Summary Rydym yn chwilio am unigolyn cyfeillgar a hyderus i oruchwylio'r traeth a'r harbwr ym Mhentref porthdinllaen dros dymor yr haf. Ydych chi'n gyfathrebwr ardderchog gyda sgiliau ymarferol da a dealltwriaeth o'r amgylchedd morol? Os ydych chi'n caru'r arfordir, mwynhau gweithio yn yr awyr agored a sgwrsio gyda phobl, yna fe allai'r rôl yma fod i chi. Mae hwn yn gontract cyfnod penodol hyd at 19/09/25, a bydd disgwyl i chi weithio o 10am i 4pm, hyd at bum diwrnod yr wythnos, gan gynnwys y mwyafrif o benwythnosau a gwyliau banc. Yn y rôl hon, byddwch yn gweithio'n bennaf ym mhentref Porthdinllaen gyda rhai ddiwrnodau ar Lon Bridin, Morfa Nefyn. Gan fod Penrhyn Llyn yn ardal wledig, gofynnwn i chi ystyried sut fyddech chi’n cyrraedd yma i'r gwaith, cyn eich bod yn ymgeisio am y swydd. The ful English translation of this advert is available in the attached PDF What it's like to work here Sut beth yw gweithio yma: Mae Porthdinllaen yn gyrchfan adnabyddus ym Mhen Llyn ac mae'n denu miloedd o ymwelwyr i fwynhau’r lleoliad hardd trwy ymlacio ar y traeth, cerdded llwybrau'r arfordir, mynd i'r dwr neu ymweld a'r enwog Ty Coch y dafarn ar y traeth. Mae'n lle sydd â hanes hynod gyfoethog a dynodiadau cadwraeth natur pwysig fel Ardal Gadwraeth Arbennig Pen Llyn a'r Sarnau. Mae hefyd yn gartref i un o'r gwelyau morwellt mwyaf yng Nghymru. Mae harbwr Porthdinllaen yn darparu amddiffyniad rhag amodau gwynt a thonnau ac mae'n cysgodi rhag pob gwynt ond gwynt gogledd-ddwyrain. Mae gan ardal yr harbwr fewnol oddeutu 40 angorfa, gyda oddeutu 80 yn yr harbwr allanol. Mae fflyd fechan o longau pysgota yn gweithredu o bentref Porthdinllaen, ac mae'r bae yn cael ei fynychu gan badau amrywiol gan gynnwys cychod hwylio, cychod sy'n cael eu gyrru gan bwer, badau dwr personol a padlfyrdd. Mae mynediad ar gyfer cychod a lansiwyd a threlar ar gael ym Morfa Nefyn. Porthdinllaen | Llyn Peninsula | Wales | National Trust What you'll be doing Beth fyddwch chi'n ei wneud Fel ceidwad tymhorol, bydd rhan fawr o'ch rôl yn cynnwys ymgysylltu â phobl a rhoi croeso i Borthdinllaen. Byddwch yn wyneb yr Ymddiriedolaeth Genedlaethol ym Mhorthdinllaen a byddwch yn gallu ateb ymholiadau a rhoi gwybodaeth i bobl a fydd yn gwella'u hymweliad. Byddwch hefyd yn sicrhau safonau uchel ar y safle, gan godi sbwriel yn ddyddiol a sicrhau bod y traeth yn glir o beryglon. Byddwch yn sicrhau y bydd gan ddefnyddwyr yr harbwr y wybodaeth angenrheidiol i ddefnyddio'r ardal yn ddiogel. Byddwch yn sicrhau bod pob ymwelydd yn cael ymweliad pleserus, diogel a chofiadwy. Mae diogelwch yn flaenoriaeth a byddwch yn hyrwyddo defnydd diogel a chyfrifol o'r ardal ac yn cynghori'r cyhoedd ar is-ddeddfau a pholisïau arfordirol lleol. Who we're looking for Pwy rydyn ni'n chwilio amdano Gallwch weld proffil rôl llawn y rôl hon yn y ddogfen sydd ynghlwm. Nid oes angen i chi gael yr holl wybodaeth, sgiliau a phrofiad a restrir yn y proffil rôl; Mae hyn yn unig i roi darlun llawn o'r hyn sy'n bosibl yn y rôl hon. Ar gyfer y swydd hon rydym yn chwilio am rywun sydd â: •Sgiliau cyfathrebu rhagorol •Y gallu i sgwrsio'n rhugl yn y Gymraeg a'r Saesneg •Ymrwymiad i safonau uchel o wasanaeth cwsmeriaid •Dull gweithgar gyda phrofiad o weithio'n annibynnol mewn sefyllfaoedd prysur ac ar dasgau ymarferol •Gwybodaeth am weithgarwch morwrol e.e. cychod, angorfeydd, lansio a diddordeb yn yr amgylchedd morol. The package Y pecyn Yr arwyddair sydd wrth wraidd yr Ymddiriedolaeth Genedlaethol yw 'I bawb, am byth'. Rydym yn gweithio'n galed i greu diwylliant cynhwysol, lle mae pawb yn teimlo eu bod yn perthyn iddo. Mae'n bwysig bod ein pobl yn adlewyrchu ac yn cynrychioli amrywiaeth y cymunedau a'r cynulleidfaoedd yr ydym yn eu gwasanaethu. Rydym yn croesawu ac yn gwerthfawrogi gwahaniaeth, felly pan ddywedwn ein bod ar gyfer pawb, rydym eisiau i bawb deimlo'n gartrefol yn ein timau hefyd. Cynllun pensiwn sylweddol hyd at 10% o gyflog sylfaenol Mynediad am ddim i eiddo'r Ymddiriedolaeth Genedlaethol, i chi, gwestai a'ch plant (dan 18 oed) Cynllun benthyciad blaendal rhent Benthyciad tocyn tymor Gostyngiadau buddion y gweithle, h.y. aelodaeth gampfa, codau gostyngiad siopa, gostyngiadau ar gyfer y sinema Lwfans gwyliau hyd at 32 diwrnod mewn perthynas â hyd y gwasanaeth, yn ogystal â chynllun prynu gwyliau, yn amodol ar fodloni meini prawf gofynnol. Oriau gweithio hyblyg lle bynnag y bo'n bosibl Rhaglen cynorthwyo cyflogai Parcio am ddim yn y rhan fwyaf o leoliadau Cliciwch yma i ddysgu mwy am y buddion rydym yn eu cynnig i’ch cefnogi chi.